ليش زعلانة؟(بالعامّيّة اللبنانية)

ليش زعلانة؟

ليش زعلانة؟
يا بسمة العمر الشَّقي
ليش ذبلانة؟
مين الْ..زعّلِكْ؟
مين ال..ذبّلِكْ؟
يا عيون نعسانة
يِمْكِنْ أنا تْأخَّرْتْ
والله أنا معذورْ
بْحَقِّكْ أنا قصّرْتْ
كان الغيابْ شهورْ
كِنْتْ بالوادي
عم بُحرْسْ بلادي
لو تِسْألي العصفورْ
ابْعَتِّلِّكْ خبرْ
لا تقلقي عليي
بُكرا أنا جايي
يا نور عينيي
لو تسألي العصفورْ
لو كِنتْ مِستشهِدْ؟
أعطوكِ خبرْ
تاتزيّني الساحاتْ
وترفعي الرّاياتْ
ليش زعلانة؟
ليش ذبلانة؟
ما عادْ بدّي شوفْ
نظرة أسى ودموعْ
وين هالضحكة؟
هيكْ عم تبكي؟
أنتِ اللي عم تبكي؟
بتتذكّري؟
رفقاتنا بالحيّ
وأنتِ وأنا
كِنّا بوقتِ الهمّ
نسمعْ أحاديثِكْ
نسمعْ نِكَتْ
نسمعْ حْكاياتْ بِتْضَحِّكْ
تقوليلنا:
ليش البِكي؟
ليش الحزن؟
يالله افرحوا
يالله اضحكوا
نضحكْ وننسى همومنا
والسِّرّْ كِلْماتِكْ
أنتِ اللي عم تِبكي؟
كيف رحْ صَدِّقْ؟
وين بسْماتِكْ؟
يالله اضحكي
اشتقنا لضحكاتِكْ
ما عاد بدّي شوفْ
هالشمسْ تعبانة
ولا عاد بدّي شوفْ
هالعينْ ذبلانة
راح اللي راحْ
والعمرْ كِلّو جْراحْ
إنسي الحزن والغمّ
تا تخلصي من الهمّ
ونعيشْ بالأفراحْ
الفرح جايي
ايه ايه ايه
الفرح جايي
والنصر جايي
والخبرْ سوّاحْ
الزّعلْ ما بيفيدْ
بيمْنَعْ التجديدْ
وبيمنعْ علينا الفرحْ
وبيمنعْ علينا العِيدْ
ما عادْ بدّي شوفْ
هالشمسْ زعلانة
وما عادْ بدّي شوفْ
وردة حياتي كْتيرْ ذبلانة
يالله اضْحكي
مات الصّمتْ
عاشْ الحَكي
يِلعنْ أبو الأحزانْ
ويِلعنْ أبو أمّ البِكي

**********
سامحونا...................حسن رمضان

أخي الطيب حسن إبراهيم رمضان
كم كانت رائعة الكلمات
دائما قلمك في تألق
وأرتفاع وأزدهار
لاتتوقف وأتي لنا بالمزيد
من الكلمات الساحرة الجذابة
سلمت الايادي يا شاعرنا المتالق
يِلعنْ أبو الأحزانْ
ويِلعنْ أبو أمّ البِكي
كل التقدير
أخوك أحمدالعبودي

أخي أحمد
شكراً لكَ على هذا الحضور الجميل وعلى هذه الكلمات الرائعة.
شهادة أعتزّ بها لا سيما وأنها من أخٍ عزيز وصديقٍ مخلص

زائر

معاني جميلة ..
وكلمات دافئة..
وحروف أنيقة..
لك التقدير والود...
تقبل مروري
[img][/img][url][/url]

قمر الشام كتب:: معاني جميلة ..
وكلمات دافئة..
وحروف أنيقة..
لك التقدير والود...
تقبل مروري

[img][/img][url][/url]

سيدتي قمر الشام
حضوركِ في صفحتي باقة وردٍ في بساتين القصائد
لكِ وُدّي

عدد الرسائل : 7 تاريخ التسجيل : 14/11/2008

أعجبتني قصيدتك جدا سيد رمضان

كلمات رقيقة و عبارات مشوّقة

قرأتها متمنية ان لا اصل الى نهايتها

أختي نغم

أولاً مرحباً بكِ في منتداكِ وقد حللتِ أهلاً بين أخوتكِ واخواتك راجياً أن تبادري الى المساهمة معنا في إنجاح هذا المنتدى.
ثانياً أشكركِ على المجاملة اللطيفة تجاه القصيدة

سلام

» ليش زعلانة؟
» صُدفة التقينا(باللهجة اللبنانية)
» عم يسألوني ليش حبَّيْتَكْ(باللهجة اللبنانية)
» وضعِكْ صعبْ ( باللهجة اللبنانية)
» يمكنْ صُرتْ ختيارْ(بالعامية اللبنانية)