قصيدة مقاوم

عدد الرسائل : 5 تاريخ التسجيل : 10/11/2008

قصة مقاوم قصيدة للشاعر طليع حمدان التي نالت على العديد من الجوائز الذهبية وغيرها

قصة مقاوم

مقاوم حب بالصدفة صبية
لكن ما عرف انها ثرية
حبو بعضهم والحب أكبر

من قشور الحياة الدنيوية
طلع … مطلع درجها رخام مرمر
و كل مترين سبع و مزهرية
طرق عبابها الباب المسكّر
, فتحت بنت زنجية فتيّة
طلت لابسة فستان أخضر
, الصبية اللي وعدها بصدق نيّة
وعلى شدة فرحها الخد جمر
كانه طاب جوري بصحن ميه(يعني مياه باللبناني)

سلام وابتسامة وقلب ثرثر
اتفضل ارتاح بهمسة طرية
منو استاذنت والعقل قرر
لتحكي بيها بسر القضية
ابوها طل بالشكل المجبر
, السيجار بايد و بايد الطقيّة
و سال : " شو شغلتك يا شاب أسمر
قبل ما تطلب البنت العلية ؟
إنتفض دم الرجولة بشب مُقهر
و قللو بعزة النفس القوية

" أنا مقاوم جنوبي يا مجبّر
و شرف شعبي ببوز البندقية "

قللو : " بعتذر ما عاد تحضر
, ما بظلم بنت عيشتها هنية
و ما بتركها رهينة لغم مدِمر
, و صواعق بالخزانة المخملية ,

وجفن اللي فزّع الاعداء غرغر
وطلع متل اليتيمة المستحية
وما فهمت تمتماته كيف هيي
وبعد أسبوع هالشــاب المحرر
, تفجّر ع طريق القعقعية ,
قتل عشرة و جرح بالرتل مية
و بقي شقفة من الزند المنثر
, أنوجد عطيطه جملة أبية ,
( أنا بدم الحسن و الحسين بفطر
, ع أرواح الغزاة الأجنبية )
ولغم تاني انفجر القلب أكتر
بعد ما سمعت البنت الوفيّة
شدت خصرها الملفوف جوهر
وغارت عل الخطوط الاولية
وصاحت يا جنوب العز افخر
بناتك متل ابطالك وفية
مبارح رحت حد القبر اسهر
حبيبي كان اما اليوم خيي
وحلفته يميين بدم حيدر
قبل اسبوعك القادم عليي
شهيدة بعود ع لحيّ المعمر
لعله بيستحي من الدم بيي
وصرخة "يا حسن أللهُ أكبر
"شمس الله والموت فيي
وبشرفني كون متل هادي المنثر
حملنا دم وما خنا القضية
وشهيدة راحت باول المعبر
ما كتبت الورقة بيديها
الشهادة تاج البنت المسلمية

__________________________________

انشاء الله تنال اعجابكم

تحياتي

أخي أبو حيدر

أشكرك على هذه القصيدة الجميلة للشاعر طليع حمدان
وقد أجريتُ تعديلاً عليها لجهة الترتيب والحجم
بارك الله فيك
سلام

» رسالة مقاوم
» قصة في قصيدة
» قصيدة رجال الله