حسن إ.رمضان المشرف
عدد الرسائل : 1531 العمر : 69 العمل/الترفيه : شاعر المزاج : رومنسي تاريخ التسجيل : 03/10/2008
| موضوع: يسعد مساكِ السبت يناير 15, 2011 12:27 am | |
| يسعد مساكِ ( باللهجة اللبنانية
(1)
الله معِكْ
ويسعدْلي مساكِ
ما أبشعْ الأوقاتْ
لو كانتْ بلاكِ
طابْ السهَرْ بحروفْ عم ترْشحْ عسَلْ
وطاب الحكي بكِلْماتْ بتوزّعْ أمَلْ
وطاب الخمرْ
من همسْ دافي يا ملاكي
الله جميلْ
وقال بِحِبّ الجمالْ
وأنتِ الجميلي
متوّجي بعرش الجمالْ
والله
جمالِكْ صارْ بحدود الكمالْ
وترسُمْ عشكلِكْ صعبْ ريشات الخيالْ
يمكنْ
يقول البعضْ عم بالِغْ كتيرْ
يمكنْ
يقول البعضْ
مجنون عقلو زغيرْ
رحْ قدِّمْ عيوني عالصُّبْحْ بكّيرْ
وقدِّمْ سمَعْ يسمعْ كلام كبيرْ
يمكنْ
إذا شافوكِ بيعذروني
يمكنْ
إذا سِمعوكِ بيرحموني
مجانينْ بيصيروا
عشّاقْ بيصيروا
ورحْ يرجعوا يقولوا
كانْ عندَكْ حقّ
معذور قلبكْ دقّ
ال...بيشوفْ وبيسمعْ
معذور لو يركعْ
معذورْ لو يخشعْ
الله معِكْ
ويسعدلي مساكِ
ما أبشعْ الأوقاتْ
لو كانت بلاكِ
مش بسّ رحْ حِبّكْ
بالإذنْ من ربِّكْ
رحْ أعبُدْ سماكِ
*******************************
شاعر الأمل | |
|