شعشعْ قمَرْ تمّوزْ ( باللهجة اللبنانية)

شعشعْ قمرْ تمّوزْ

***********

رحْ نلتقي شي نهارْ عانفس السْريرْ
ورحْ يبدأ المشوارْ بالحُبّ الِكبيرْ
وتهبّْ فيكِ النّارْ وبيِحضَرْ أميرْ
جايِبْ معو أسرارْ للّيل المُثيرْ
وجايبْ معو أخبارْ وشوية دوا
تايْرَيِّحْ الأفكارْ من وخز الضَّميرْ ؟

***

بُكرا الحرامْ يْصيرْ في ليلكْ حلالْ
وخمر الغرام يْصيرْ مفسوح المجالْ
وبُكرا الكلام يْصيرْ مقطوع الحِبالْ
وبُكرا السلام يْصيرْ بشفافِكْ خِصالْ
وليل البنفسَجْ لأ ما بيبقى خيالْ
رحْ تولدي من جديدْ في ليل الحلالْ

***

السِّرّ الحُلُوْ باقي بخزّان الأمانْ
وجنونْ هاك الليلْ مضمون ومُصانْ
لا تقلقي من ليلْ مجهول المكانْ
ولا تقلقي مْن سريرْ يعزفْ عالكمانْ
أنتِ ذكيّة وشاطرةْ يا حلوتي
وبتعرفيني منيحْ من قبل الزمانْ ؟

***

بِفرحْ يا عُمري كتيرْ لمّا إسمعِكْ
وبْسْرَحْ بفكري بْصيرْ عم أسكَرْ معكْ
طفلة شقيّة كتيرْ بدّي رجّعكْ
بْعِلْم الغرام بْصيرْ حتماً مرجعكْ
أنتِ الشمسْ والنورْ ومحسوبكْ قمَرْ
شعشعْ قمَرْ تمّوزْ بوجودو معكْ

******************

شاعر الأمل حسن رمضان - لبنان