حسن إ.رمضان المشرف
عدد الرسائل : 1531 العمر : 69 العمل/الترفيه : شاعر المزاج : رومنسي تاريخ التسجيل : 03/10/2008
| موضوع: كِنْتْ ماشي عا شطّ البحر (2) الأربعاء ديسمبر 23, 2009 7:00 pm | |
| قالتْ ما بِعرفْ ليشْ عم قلّكْ وعا نقط ضعفي كيف عم دلّكْ وحدو البحر اللي بيستلمْ سرّي وحسّيتْ إنّكْ بحرْ والبحرْ خِلَّكْ وحسّيتْ إنّكْ نسرْ جايي من السّما جايي لتاخذني معكْ قول شو عندك انا عم أسمعكْ معقول جايبلي الأملْ أنتَ معكْ؟ ومفتاحْ عمر جديدْ وأشعارْ ومواعيدْ معقول؟ قلْتِلّها: شاعر أنا وعندي مفاتيح الأملْ والبحرْ صورة عن كتابي كلّما حسّيتْ عمري زادْ بْزورْ البحر تا جدّدْ شبابي عندي كتابْ"فردوس الزمانْ" كلّو عِشقْ وحروفْ فرحاني وعندي كتابْ المفرداتْ ال...كانْ حلمْ واثبْ وألحانْ وغْناني وبعد كم شهرْ رح أطبعْ كتابْ الصفحاتْ بالأشعارْ ملياني بِكتُبْ شِعرْ للحبّ والخِلاّنْ وبكتبْ شِعرْ للأرضْ والأوطانْ وبكتبْ مواويل الهوى بتحناني بحبّ التحدّي والأملْ عندي سلاحْ ممنوع تغلبني شي يوم أحزاني والنصرْ عندي أمرْ محسومْ أمّا الهزيمة تْضلّ زعلاني أنا يا حلوتي عالِمْ ومعلومْ أنا فجرْ من ليلْ أشجاني أنا عاشقْ لَفَيّاتْ الكرومْ وعاشقْ جبلْ شامخْ بلُبناني وعاشق سلاح الحقْ بجنوبي وعاشقْ شهادة حقّ لو الله عطاني أنا عاشقْ عاشق جمال الستّ كيف بدي صومْ وعاشق عيون السحرْ وثمارْ رمّاني كأنو الربّ جامعْنا بلا ميعادْ وكتبْ بكتابْنا حبّ وأماني
وتْسَلَّلِتْ إيدي لتاخذْ إيدْها وعْرِفْتْ من إيدْها ايه بتريدْها مشينا شويْ عا جنب المَيّ راحْ البِكي وخلصْ الحَكي ووحدها العيونْ بتتبادَلْ قُبَلْ وكان اللي كانْ وابتدا المشوارْ حَبَّيْتْها؟ إييييييييه حَبّيْتْها ضِحكِتْ الدِّني والصدفة رجّعِتْنا لعصر الوَلْدني إيدي بإيدْها وكان اليومْ أحلى يومْ وكانْ عيدي وعيدْها قالتْ: إذا بتسمَحْ بدّي صارحَكْ أنا بعرْفَكْ من زمان كتيرْ وبعرفْ بأنو البحرْ دايماً مطْرحَكْ بعرفَكْ من دفترَكْ وبعرفكْ من حروفْ لمَّاعة وبعرفكْ من صدقْ أشعاركْ وبعرفكْ من ضوّ أخباركْ عْشِقْتكْ من زمان كتيرْ بحبّكْ ومش همّ انو تْحبّْني حلمي كون بهاللحظة معكْ يمكن تحبّني يمكن ما بقدرْ كونْ معشوقة حَسَنْ كلّ الأملْ عندي تِسمحْ قدّسَكْ بعرفْ بأنو المُعجباتْ كتارْ وبعرفْ بأنو من الصعب تختارْ أنا راضيي كون نقطة عا حرفْ من مطلعَكْ أنا بحبّ الشِعرْ وأنتْ أستاذي يا ريتْ تقبلْ كون تلميذي منّكْ تعلّمْ كيف بكتبْ شِعرْ ومنّكْ آخذ دروسْ الغرامْ بحبّكْ بحبّكْ يا أستاذي ........................... (يتبعْ) | |
|